Главная » Молитвы » Молитва и акафист иконе Божьей Матери Казанская;, Православные молитвы ☦

Молитва и акафист иконе Божьей Матери Казанская;, Православные молитвы ☦

Православные молитвы ☦

Молитва и акафист иконе Божьей Матери Казанская;, Православные молитвы ☦

Молитва и акафист иконе Божьей Матери Казанская;

(о победе над врагом, о покровительстве христианским бракам, об исцелении недугов, в особенности глазных болезней)

Избранней от всех родов Заступнице рода христианскаго, покровом Своея благости покрывающей страну нашу православную, благодарственная пения приносим Ти, Богородице, о явлении чудныя Твоея иконы. Ты же, яко Всемилостивая, всех притекающих к Тебе Помощнице, заступай нас во всех скорбех и нуждах, бедах и напастех, да зовем Ти:

Радуйся, Заступнице усердная рода христианскаго.

Ангел предстатель послан бысть рещи Богородице: Радуйся;, егда Бог Слово воплощашеся во утробе Ея; и мы, грешнии, прославляюще явление чудныя Ея иконы и Божественнаго Младенца Спаса Христа, со умилением вопием Благодатней:

Радуйся, Богоизбранная Отроковице; радуйся, Мати Божия.

Радуйся, Царице Небесе и земли; радуйся, светлое Церкве Небесныя и земныя украшение.

Радуйся, Ангелы чтимая; радуйся, певаемая от Серафим.

Радуйся, светлое пророческое сбытие; радуйся, апостолов похвало.

Радуйся, мученическое исповедание; радуйся, преподобных венче.

Радуйся, праведных веселие; радуйся, грешных упование.

Радуйся, Заступнице усердная рода христианскаго.



Видящи, Всенепорочная, с высоты Небеснаго жилища Своего, идеже с Сыном Твоим в славе пребываеши, скорбь рабов Твоих в новопросвещеннем граде, яко гневнаго ради Божия посещения вера Христова поругаема бывает агарянским зловерием, благоволила еси явити икону Свою, чудесы ю прославляющи, да, утверждаеми знаменьми Твоея благодати, христолюбивии людие верно вопиют Богу: Аллилуиа.

Разумение трикратнаго явления Богоматере мудрая отроковица ищущи, тече ко властем, поведающи им дивное явление и грозное прещение; мы же дивящеся свыше данному отроковице вразумлению, благоговейно вопием к Преблагословенней:

Радуйся, устнами чистыми хвалу Богови совершающая; радуйся, тайны благодати Божия верным открывающая.

Радуйся, верных известная похвало; радуйся, молние, неверных устрашающая.

Радуйся, славою чудес Твоих верных разум озаряющая; радуйся, агарянскаго зловерия обличение.

Радуйся, гордыни их низложение; радуйся, веры христианския утверждение.

Радуйся, почитания святых икон освящение; радуйся, скорбь нашу в радость претворяющая.

Радуйся, несумненною надеждою нас увеселяющая.

Радуйся, Заступнице усердная рода христианскаго.

Сила Вышняго благодатию Богоматере умудри и укрепи отроковицу к исканию многоценнаго Божия дара, и та, с верою дерзающи о Господе, приступи к труду и, скрытое в земли обретши сокровище святыя иконы Богоматерни, радостно возопи к Богу: Аллилуиа.

Имеющи благоутробное промышление о новопросвещенных людех града Казани, от пречестныя Твоея иконы токи чудес источила еси, Владычице, слепым телесныма очима зрение подавающи, омраченных же душевно светом богопознания и благочестия озаряющи, девствующим под осенением Твоея иконы пристанище небурное дарующи. Сего ради зовем Ти:



Радуйся, явлением иконы Твоея тьму лютых обстояний отгоняющая; радуйся, лучами чудес всех просвещающая.

Радуйся, слепых прозрение; радуйся, омраченных смыслом просвещение.

Радуйся, славо Православия; радуйся, тихое пристанище ищущих спасения.

Радуйся, Мати целомудрия; радуйся, покрове и ограждение девства.

Радуйся, Еюже ликовствует все множество верных; радуйся, Еяже ради рыдает демонское полчище.

Радуйся, всех христиан вожделенная Помощнице; радуйся, всех скорбящих Радосте.

Радуйся, Заступнице усердная рода христианскаго.

Бурю смятений и крамолы врагами воздвигнутую в стране нашей утолити тщася блаженный Ермоген, списатель чудес Твоея, Богомати, иконы, слезно пред нею моляшеся и, видев, яко воинству православному в щит и победное знамение Твоя икона даровася, верою укрепляемый до конца живота своего, вопияше Богу: Аллилуиа.

Слышавше православнии воини откровенную преподобным Сергием святителю Арсению тайну, яко предстательством Богоматере суд об Отечестве нашем преложен на милость, икону Богоматерню, яко знамя победное, приимше, исхитиша матерь градов русских из рук супостат и возопиша Заступнице христиан:

Радуйся, Мати Бога Вышняго; радуйся, яко за всех молиши Сына Твоего, Христа Бога нашего.

Радуйся, яко всем твориши спастися в державный Твой покров прибегающим; радуйся, Заступнице всех сущих в скорбех и болезнех.

Радуйся, всем молящимся сокрушенным сердцем пред пречистым Твоим образом полезная дарующая; радуйся, избавление зол всем, невозвратно надежду имущим на Тя.



Радуйся, тихое и доброе пристанище; радуйся, скорая Помощнице.

Радуйся, готовый и теплый покрове спасения; радуйся, источающая нам неоскудныя милости.

Радуйся, предваряющая на помощь; радуйся, избавляющая от всех бед.

Радуйся, Заступнице усердная рода христианскаго.

Боготечная звезда явися Твоя, Богомати, икона, всю страну Российскую обтекающая, лучами чудес Твоих осиявающая всех блуждающих по морю страстнаго жития, мрак печалей и мглу всяких недуг и скорбей прогоняющая и наставляющая на путь спасения с верою к Тебе притекающих и вопиющих к Богу: Аллилуиа.

Видев царь Петр, яко от святыя иконы Богоматерни благодатию Божиею содеваются многая чудеса, приемлет ю в путеводительницу воинству своему и в день брани на свеев в щит и покров и, победив до конца врага помощию Богоматере, тем камень совершенный во основание новаго царствующего града положи, икону же Твою чудную, яко освящение, яко щит и ограждение, в сердце града постави. Сего ради вопием Пречистей:

Радуйся, жилище и доме Христа Бога нашего; радуйся, вместилище неизреченныя Его славы.

Радуйся, граде одушевленный, присно царствующий; радуйся, палато преукрашенная.

Радуйся, Радосте градов и весей; радуйся, непобедимое христиан в бедах хранилище и предградие.

Радуйся, Церкве Православныя похвало; радуйся, Русской земли утверждение.

Радуйся, христолюбиваго воинства Помощнице; радуйся, врагов одоление.

Радуйся, от бед избавление; радуйся, Матерними Твоими щедротами всех посещающая.



Радуйся, Заступнице усердная рода христианскаго.

Предстояще пред пречистым Твоим образом архиереев сословие и вси людие, монаси и мирстии, проповедуют, Госпоже Богородительнице, великия Твоя милости, яко грады ограждаеши, обители покрываеши, веси защищаеши, и, ведуще Тя воистину Помощницу сильну и непобедиму, со слезами приносят Ти молитвы, да простреши к Сыну Твоему Богоноснеи руце за люди Твоя, во еже избавити нас от всех бед и напастей, да благодарне вопием Богу: Аллилуиа.

Возсиявши просвещение истинное и отгнавши древле лесть агарянскую в новопросвещенней стране Казанской, ныне во всех градех российских светиши светом чудес и милостей: притекающии бо с верою ко Твоей иконе цельбоносней скорбей избавление, недугов исцеление и радости всякия исполнения приемлют, вопиюще Тебе усердно:

Радуйся, неистощимый источниче святыни; радуйся, многотекущая реко Божественныя благодати.

Радуйся, грешных с Богом примирение; радуйся, грехов наших очищение.

Радуйся, благочестия Наставнице; радуйся, в добрых делех утверждение и помоще.

Радуйся, добрыя обеты приемлющая; радуйся, благим намерением способствующая.

Радуйся, злая начинания разрушающая; радуйся, вражия козни расторгающая.

Радуйся, скорая человеком Помощнице; радуйся, милость сугубо нам подающая.

Радуйся, Заступнице усердная рода христианскаго.

Хотящу народу православному исповедати милости Преблагословенныя Царицы Неба и земли и по силе благодарственная принести о избавлении его от нашествия иноплеменных, дивному храму, созданному в честь пречудныя иконы, победная в дар принесе, да вси памятующе милость Богоматере, спасшия град сей и страну, выну воспевают Богу благодарными усты: Аллилуиа.



Стольному граду России святая икона Твоя, Богомати, воистину явися благая Одигитрия, якоже древле Цареграду: к Тебе бо прибегают людие, помощи Твоея на начало пути и дел своих просяще и благодарственная приносяще моления пред пречистою иконою Твоею за избавление от скорбей и напастей, Тебе Помощницу и Заступницу крепкую ведают. Темже благодарственно вопием Ти:

Радуйся, Российския страны покрове; радуйся, Православия в ней ограждение и утверждение.

Радуйся, несокрушимый щите воинов наших; радуйся, броне их неуязвимая.

Радуйся, козни врагов обличающая; радуйся, яко паучину их растерзающая.

Радуйся, нечестия обличение; радуйся, крамолы разрушение.

Радуйся, юных от заблуждений исправление; радуйся, старцев утешение.

Радуйся, душевредных учений низложение; радуйся, душеполезных знаний дарование.

Радуйся, Заступнице усердная рода христианского.

Странно и сумнительно неверующим слышати, како от иконы Твоея токи благодати истекают, воня животная благоухает; мы же, верующе слову, реченному Тобой, Владычице, к первонаписанней иконе: С тобой Моя благодать и сила;, уповаем, яко и с сею иконою благодать Твоя выну; темже благоговейно предстояще лобызаем ю, поклоняемся ей, яко Тебе Самей сущей, честь бо иконы на первообразное восходит, и Твоя благодать сею иконою знамения и чудеса содевает всем с верою притекающим к Тебе и вопиющим Богу: Аллилуиа.

Вся бывши горе, к Небесным взята, и земных не оставляеши, Богомати, священным Твоим предстательством: имаши бо Матернее дерзновение ко Христу Богу нашему. Темже утверди в мире глубоце православных житие и вся полезная всегда даруй рабом Твоим, да величающе воспеваем Ти:



Радуйся, Невместимаго вместилище; радуйся, осененная силою Вышняго.

Радуйся, прозябшая Клас Небесный; радуйся, мир весь душепагубнаго глада избавльшая.

Радуйся, выну ходатайствующая за род наш; радуйся, яко много может молитва Твоя пред Сыном Твоим и Богом.

Радуйся, всех нас при Кресте Сына Твоего усыновившая; радуйся, всегда Матернюю любовь к нам являющая.

Радуйся, Ходатаице вечных благ; радуйся, и во временней жизни полезная нам подающая.

Радуйся, известное прибежище наше во всех скорбных обстояниих; радуйся, несомненное утешение в печалех.

Радуйся, Заступнице усердная рода христианскаго.

Всякаго естества ангельскаго превышшая явилася еси, Пресвятая Дево: Бога бо зачала еси плотию, Невместимаго всеми вместила еси во утробе Твоей, на руках носила еси Носящаго весь мир дланию; темже, яко Честнейшую Херувим и Славнейшую без сравнения Серафим величающе Тя, вопием о Тебе Богу: Аллилуиа.

Вития многовещанныя, яко рыбы безгласныя, видим о Тебе, Богородице: недоумеет бо всяк язык благохвалити Тя по достоянию, изумевает ум пети Тя, Богородице; обаче Благая сущи, приими и от нас архангельский глас, Тебе вопиющих:

Радуйся, Благодатная; радуйся, яко Господь с Тобою.

Радуйся, Благословенная в женах; радуйся, обретшая благодать у Бога.

Радуйся, родившая Спасителя миру; радуйся, Мати Сына Божия.

Радуйся, Родительнице Вечнаго Царя; радуйся, израстившая нам плод живота.

Радуйся, освященная Духом Святым; радуйся, осененная Силою Всевышняго.



Радуйся, верная Рабо Господня; радуйся, яко Тя блажат вси роди.

Радуйся, Заступнице усердная рода христианскаго.

Спасти хотящи многия от находящих зол, скорбей и болезней, чудную икону Твою, Богомати, даровала еси, еяже ради слепии прозирают, хромии ходят, разслабленнии возстают, беснующиися исцеляются, земли плодоносие подается, людие от смертоносныя язвы избавляются, грады и домы от огня спасаются; темже прославляюще Бога, дающаго нам таковыя милости, вопием Ему усердно: Аллилуиа.

Стена еси, Богородице, стране Российстей, градом ограждение и слава, православному воинству на враги укрепление. Темже, благодаряще Тя, вопием:

Радуйся, прославляющих Тя прославляющая; радуйся, не чтущих Тя посрамляющая.

Радуйся, врагов устрашение; радуйся, от нашествия иноплеменных избавление.

Радуйся, воинов крепосте; радуйся, в дни брани забрало и ограждение.

Радуйся, в дни мира живоносный саде, увеселяющий сердца верных; радуйся, оружие, егоже трепещут демони.

Радуйся, спасительный елей, умащающий греховныя раны кающихся; радуйся, теплое наше упование.

Радуйся, несумненная наша Надеждо; радуйся, тихое и доброе пристанище.

Радуйся, Заступнице усердная рода христианскаго.

Пение хвалебное и благодарственное приносят Тебе, Владычице, припадающе ко иконе Твоей и любезно лобызающе ю, дев лицы, под державным покровом Твоим тихое и мирное иноческое житие провождающии, и, возложивше на Тя все упование, радостно вопиют Богу: Аллилуиа.



Яко светоприемную свещу, зрим Твою честную икону, Пресвятая Владычице: та бо невещественный огнь благодати Твоея восприимши, и в подобиих ея новы возжигает светильники, причастны тояжде силы благодатныя, и озаряет чудесы, наставляющи на путь спасения всех вопиющих Ти сице:

Радуйся, Невесто Неневестная; радуйся, Богоизбранная Отроковице, Мати Дево.

Радуйся, добрая Наставнице непорочнаго девства; радуйся, Хранительнице ревнующих о чистоте.

Радуйся, жен похвало; радуйся, дев величание.

Радуйся, вдов заступление; радуйся, сирот призрение.

Радуйся, нищих Питательнице; радуйся, нагих одеяние.

Радуйся, печальных утешение; радуйся, скорбящих веселие.

Радуйся, Заступнице усердная рода христианскаго.

Благодать дати восхотевши почитающим Тя с любовию, Богородительнице, присущую Ти силу благодатную оставила еси во святых Твоих иконах, ибо Божественная благодать, тем иконам спребывающи, знамения и чудеса выну содевает и душевных и телесных недуг исцеление всем, с верою приходящим, подает Твоими Богоматерними непрестанными к Богу молитвами о вопиющих Ему: Аллилуиа.

Поюще Твоя чудеса, бывшая в древняя и настоящая времена, хвалим Тя, яко Живоносный Источник благодати, яко неистощимую реку чудес, яко бездну милости и щедрот, и все упование по Бозе возлагающе на Тя и в сей и в будущей жизни, прославляюще Тя, вопием:

Радуйся, христиан непостыдное упование; радуйся, верных спасительное прибежище.



Радуйся, ненадежных надеяние; радуйся, отчаянных спасение.

Радуйся, бане, омывающая совесть; радуйся, росо, оживляющая души.

Радуйся, болезней врачевство скорое и безмездное; радуйся, от всех бед быстрое избавление.

Радуйся, Утешительнице во всякой скорби; радуйся, из глубины погибели спасающая.

Радуйся, отрадо в день смерти; радуйся, единая Надеждо и по смерти.

Радуйся, Заступнице усердная рода христианскаго.

О Всепетая Мати, рождшая всех святых Святейшее Слово, приими ныне малое сие моление и, величия ради благости Твоея и бездны щедрот Твоих, не помяни множества грехов наших, но исполни во благих прошения наша, подавающи телу здравие, души спасение, избавляющи от всякия нужды и печали и Царствия Небеснаго наследники сотворяющи всех верно вопиющих Богу: Аллилуиа.

(Этот кондак читается трижды, затем 1-й икос и 1-й кондак)

Ангел предстатель послан бысть рещи Богородице: Радуйся;, егда Бог Слово воплощашеся во утробе Ея; и мы, грешнии, прославляюще явление чудныя Ея иконы и Божественнаго Младенца Спаса Христа, со умилением вопием Благодатней:

Радуйся, Богоизбранная Отроковице; радуйся, Мати Божия.

Радуйся, Царице Небесе и земли; радуйся, светлое Церкве Небесныя и земныя украшение.

Радуйся, Ангелы чтимая; радуйся, певаемая от Серафим.

Радуйся, светлое пророческое сбытие; радуйся, апостолов похвало.

Радуйся, мученическое исповедание; радуйся, преподобных венче.



Радуйся, праведных веселие; радуйся, грешных упование.

Радуйся, Заступнице усердная рода христианскаго.

Избранней от всех родов Заступнице рода христианскаго, покровом Своея благости покрывающей страну нашу православную, благодарственная пения приносим Ти, Богородице, о явлении чудныя Твоея иконы. Ты же, яко Всемилостивая, всех притекающих к Тебе Помощнице, заступай нас во всех скорбех и нуждах, бедах и напастех, да зовем Ти:

Радуйся, Заступнице усердная рода христианскаго.

По окончании акафиста читается молитва.

Молитва иконе Казанской Божьей Матери

О Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе, умоли, милосердая Мати, Сына Твоего и Бога нашего, Господа Иисуса Христа, да сохранит мирну страну нашу, да утвердит державу Российскую во благочестии, Церковь Свою Святую да незыблему соблюдет от неверия, ересей и раскола.

Не имамы бо иныя помощи, не имамы иныя надежды, разве Тебе, Пречистая Дево: Ты еси Всесильная христиан Помощница и Заступница. Избави всех, с верою Тебе молящихся, от падений греховных, от навета злых человек, от всяких искушений, скорбей, бед и от напрасныя смерти; даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси, благодарне воспевающе величия Твоя, сподобимся Небеснаго Царствия и тамо со всеми святыми прославим пречестное и великолепое имя Отца и Сына и Святаго Духа. Аминь.;

О admin

x

Check Also

Молитва на удачу во всём

Самое подробное описание: молитва на удачу во всём - для наших читателей и подписчиков. К Господу и Его святым угодникам верующие обращаются не только за защитой и просьбой о спасении души – многие просят помощи в обычных житейских делах.

Молитва на удачу в работе притяжение денег

Хотите узнать какие молитвы на удачу в работе и притяжение денег можно читать? В последнее время многие люди испытывают трудности в финансах, именно поэтому обращаются к молитвам за помощью, чтобы привлечь в свою жизнь деньги и удачу в работе.

Молитва на удачу в делах и везение — Православные иконы и молитвы

Информационный сайт про иконы, молитвы, православные традиции. «Спаси, Господи!». Спасибо, что посетили наш сайт, перед тем как начать изучать информацию, просим подписаться на нашу группу Вконтакте Молитвы на каждый день, нас уже больше 50 000 человек.

МОЛИТВА НА УДАЧУ

Далеко не все верят заговорам и заклятьям, а вот молитвам — практически каждый. Одной такой довольно действенной аффирмацией является сильная молитва на удачу.

Молитва на то чтобы мужчина давал деньги мне

Полное собрание и описание: молитва на то чтобы мужчина давал деньги мне для духовной жизни верующего человека. Заговор чтоб муж или любовник деньги давал на покупки, Заговор на жадного до денег мужчину Если любимый мужчина, муж или любовник жалеет для вас денег, исправить это поможет специальный заговор.

Молитва на соперницу

Советуем ознакомиться молитва на соперницу с несколькими вариантами на русском языке, с полным описанием и картинками. Когда любовь и семейное счастье подвергаются опасности, помочь могут небесные силы.

Молитва на скорую встречу второй половинки, любимым человеком — Православные иконы и молитвы

Информационный сайт про иконы, молитвы, православные традиции. Молитва на скорую встречу второй половинки, любимым человеком «Спаси, Господи!». Спасибо, что посетили наш сайт, перед тем как начать изучать информацию, просим подписаться на нашу группу Вконтакте Молитвы на каждый день, нас уже больше 50 000 человек.

Молитва на Рождество Христово 7 января: на удачу, на здоровье, на деньги и замужество

Именно в Рождество многие молятся о том, что им больше всего нужно и чего они больше всего хотят. Так как в Рождество открываются небеса и молитвы ваши будут услышаны.

Молитва на рождество о любви на сайте

Постараемся детально ответить на вопрос: молитва на рождество о любви на сайте: молитва-богу.рф - для наших многоуважаемых читателей. заговоры и обряды на любовь в Рождество.

Молитва на Рождество 2017 для детей

Молитва на Рождество Христово 2017 — на удачу, замужество, здоровье, для детей Рождественская молитва для девушек, желающих выйти замуж Благослови, Господи, нас (имена мужа и жены), Век по веку, отныне и довеку.

Молитва на растущую луну на любовь мужчины

Молитва на растущую луну на любовь мужчины. Заговоры на растущую луну на любовь. Стареющая луна для приворота Роль заговора в ритуале на луну Заговор нужно читать три раза и после каждого прочтения тушить пальцами одну из горящих свечей.

Молитва на приобретение новых друзей на сайте

Постараемся детально ответить на вопрос: молитва на приобретение новых друзей на сайте: молитва-богу.рф - для наших многоуважаемых читателей. Мы живем в современном мире с развитыми технологиями, которые, к сожалению предоставляя удобства в бытовой жизни, очень сильно разъединяют людей.

Молитва на примирение — сильная для сложных ситуаций

Важно жить в мире и гармонии с окружающими людьми. Часто ссоры, чрезмерная гордыня мешают сделать первый шаг. С помощью молебен можно исправить эту ситуацию. Чтение молитвы Помимо извинения, проявления немного внимания, стоит использовать молитву примирения сильную по характеру действия.

Молитва на невесту для сына

Советуем ознакомиться молитва на невесту для сына с несколькими вариантами на русском языке, с полным описанием и картинками. Молитва юноши о даровании благочестивой невесты.

Молитва на месячную кровь — Глория Мед

Женское здоровье, беременность, роды Заговор на месячную кровь входит в число черных приворотов. Данная магия направлена по большей части на привлечение сексуальной энергии.

Молитва на любовь сильная для мужчины и женщины

Поговорим о любви полов. Любовь — самое сильное чувство в этом мире: имеет самый мощный диапазон своего проявления от разрушения до созидания. Кто не любил — тот не жил.

Молитва на любовь при растущей луне

Советуем ознакомиться молитва на любовь при растущей луне с несколькими вариантами на русском языке, с полным описанием и картинками. Цикличное изменение фаз Луны определяет лунный энергетический ритм жизнедеятельности человечества.

Молитва на любовь мужа

Женские страсти по. » Привороты » Молитва на любовь мужа, сильный приворот. Молитва о любви и мире между супругами, чтобы муж жену любил. Как вернуть мужа или любимого мужчину? Молитва Матроне о возвращении мужа к жене Видевше обильную реку чудес и исцелений, от тебе Молитва на обретение любви Это очень сильный способ привлечения любви в жизнь человека.

Молитва на крещение, СЕМЬЯ и ВЕРА — Part 3

М ир Вам, дорогие посетители православного сайта “Семья и Вера”! П еред Вами календарь духовного чтения, посвященный 5 марта 2018. На его страницах Вы можете подкрепиться следующей духовной пищей: • Жития святых – Священномученик Николай Петроградский (Розов); • Священное Писание – Книга Бытия (глава 6-я: стихи 9-22); • Толкование св. Писания – Святителем Филаретом (Дроздовым); • Проповедь пастырей – Из поучений протоиерея Димитрия Смирнова; • Молитва дня – Стихиры понедельника 3-й седмицы Великого поста.

Молитва на Крещение Господне 19 января на исполнение желания: перед купанием, окунанием

Православная молитва на Крещение Господне 19 января 2018 перед купанием и на воду Простая молитва на Крещение Господне поможет каждому православному верующему попросить о здоровье или исполнении желаний, избавиться от болезней.

Молитва на Крещение Господне 19 января – на исполнение желания, деньги, воду, перед купанием, от болезни, текст

Православная молитва на Крещение Господне 19 января, тексты Крещение Господне (Богоявление) — один из самых древних праздников, отмечаемый православными христианами 19 января.

Молитва на Крещение Господне 18-19 января на исполнение желания перед купанием и на воду

Молитва на Крещение (Богоявление) 18-19 января на удачу, деньги, здоровье, исполнение желания Фотогалерея: Молитва на Крещение (Богоявление) 18-19 января на удачу, деньги, здоровье, исполнение желания Крещение Господне - важнейший праздник православной церкви, отмечаемый христианами еще с апостольских времен.

Молитва на Крещение Господне (19 января)

Праздник Крещения Господня для каждого человека имеет огромное значение. К такому серьезному событию тщательно готовятся, читают молитвы, очищая душу от скверны.

Молитва на крещение (богоявление) 18-19 января на удачу, деньги, здоровье, исполнение желания — Семейные праздники и подарки

Молитва на крещение (богоявление) 18-19 января на удачу, деньги, здоровье, исполнение желания Крещение Господне — наиболее значимый праздник православной церкви, отмечаемый христианами еще с апостольских времен.

Рейтинг@Mail.ru